مش مهم قبل منى كنتى ايه
المهم وانتى جمبى بقيتى ايه
واللى عى حكاية فاتت
ماضى مش هسأل عليه
اللى عدى ياحبيبتى ماضى مات
وأنا قولتلك ميت ألف مرة
مش مهمة الذكريات
ولو مصرة تكلمينى عن اللى فات
يبقى اسمعينى
أنا قبل منك
كنت صورة من غير روح
ورقة فى كتاب مفتوح
مليان حزن ودموع
أنا قبل منك
كنت تايه فى الزحام
معرفش غير الالآم
كان صوتى مش مسموع
لو لسه عايزة تكلمينى عن الى فات
يبقى اسمعينى
أنا قبل منك
كنت أعمى
فى ليل طويلمالوش نهار
شارد مش لاقى دار
نفسى أحس بأمان
أنا قبل منك
كنت دمعة فى كل عين
مكتوب على الجبين
انى ميت من زمان
اسمعينى
اللى راح ميهمنيش
وأنا قولتلك ميت ألف مرة
الماضى عندى ما يساويش
والمهم اننا مع بعضنا
نتحدى دنيتنا وزماننا بحبنا
ونفرح بقى من قلبنا
على كرسى الاعتراف وبعد ماقريت الموضوع ياترى لو حبيبتك ليها ماضى هتسامح؟؟ وتنسى؟؟؟؟
وانتى لو حبيبك ليه ماضى هتبتدى معاه من الاول ولا هتحاسبيه على اللى فات؟؟؟
كل حد يقعد على كرسى الاعتراف ويجاوب بصراحة
الثلاثاء مارس 16, 2010 1:01 am
